“मन्त्रालय फुटाएर गलत थिति बसाल्दिनँ, हल्लाका पछि नलाग्नुस्”
प्रधानमन्त्री पुष्पकमल दाहाल प्रचण्डले आफू मन्त्रालयहरु फुटाएर गलत थिति बसाल्ने पक्षमा नरहेका कारण हल्लाका पछाडि नलाग्न गठनबन्धन दलका नेताहरुसँग सुनाएका छन् ।
Advertisement 1
हिजो साँझ वालुवाटारमा बसेको गठबन्धनको बैठकमा प्रचण्डले यस्तो बताएका हुन । पछिल्लो समय मन्त्रालयको संख्या फुटाएर २५ वटा बनाउन लागिएको चर्चाले सिंहदरबार तातेको छ ।
प्रधानमन्त्री पुष्पकमल दाहाल प्रचण्डले भागभण्डा मिलाउन २२ वटा मन्त्रालयलाई फुटाएर २५ वटा पुर्याउन लागेको चर्चा व्यापक छ ।
प्रधानमन्त्री प्रचण्डले युवा तथा खेलकुद, भौतिक पूर्वाधार तथा यातायात र शिक्षा, विज्ञान तथा प्रविधि मन्त्रालयलाई टुक्रयाउन लागेको भन्द्यै समाचारहरु बाहिरिरहेको बेला प्रधानमन्त्री पुष्पकमल दाहाल प्रचण्डको सचिवालयले त्यसमा सत्यता नभएको जनाएको छ ।
Advertisement 2
हिजै साँझ वालुवाटारमा बसेको सत्ता गठबन्धनको बैठकमा प्रधानमन्त्री प्रचण्डले भागवण्डा मिलाउन मन्त्रालय फुटाएर गलत थिति नबसाल्ने बताएका हुन् ।
मुख्यसचिव शंकरदास बैरागीलाई ३ मन्त्रालय टुक्राउने गरी तयारी गर्न निर्देशन दिएको खबर बाहिरिरहेको बेला प्रधानमन्त्री प्रचण्डका स्वकीय रमेश मल्लले यसमा कुनै सत्यता नभएको र मन्त्रालय फुटाउने सम्बन्धमा केही निर्देशन प्रधानमन्त्रीले नदिएको प्रष्ट्याएको छ ।
Advertisement 3
यता राष्ट्रिय प्रजातन्त्र पार्टीका अध्यक्ष राजेन्द्र लिगदेनले पनि मन्त्रालयहरु फुटाएर आफू सरकारमा जाने पक्षमा नरहेको प्रष्टाएका छन् ।
