कार्यकर्ता तान्नका लागि होडबाजी गर्ने हिमाली जिल्ला रसुवामा विकासको स्थिती कस्तो छ भन्ने जान्न काफी उदाहरण बन्न सक्छ पासाङ ल्हामु राजमार्ग अन्तरगतको उत्तरगयाँ गाउँपालिका वडा नम्बर ५ पर्ने वनुवामा खसेको पहिरो ।
विगत महिना दिनदेखि पहिरोका कारण सो मार्ग अवरुद्ध हुँदा स्थानीयदेखि पर्यटकसम्मले सास्ती खेप्दै आएका छन् तर जिल्लाको विकास निर्माणको काममा समेत चिन्तित हुनुपर्ने सांसद तथा नेताहरु भने विकास निर्माणको काममा भन्दा बढी अन्य पार्टीका कार्यकर्ता आफ्नो पार्टीमा हुल्ने खेलमा सक्रिय छन । महिना दिनदेखि सडकमार्ग अवरुद्ध हुँदा जिल्लाका क बर्गका ठेकेदारद्धय जनार्दन ढकाल र मोहन आचार्य  कार्यकर्ता चोर्ने होडबाजीमा छन् ।
रसुवा कन्स्ट्रक्सन मालिक  अचार्य  र सुर्यचन्द्र कन्स्टक्सनका मालिक जनार्दन ढकाल दुबै क बर्गका तर जिल्ला दुख्दा र जिल्लाबासीले दुख र सास्ती पाउँदा यी  माननीय कहाँ र के गर्दैछन् ? अहिले रसुवावासी जनताले सामाजिक सञ्जालबाटै उत्तर खोजेका छन् ।
समयमा बाटो निर्माण हुन नसक्दा हिजोमात्र एक जना सवारी चालकले ज्यान गुमाएका छन् । रसुवाबाट काठमाडौँ जाने क्रममा डिब्बा दुर्घटनामा परेर चालकले ज्यान गुमाएका छन् । गत साउन २५ गते बनुवा खण्डको पासाङल्हामु मार्गमा पहिरो गई रसुवा–काठमाडौँको सिधा सम्पर्क विच्छेद भएपश्चात् वैकल्पिक मार्गका रूपमा खोलिएको धारापानी आम भञ्ज्याङ खण्डको ग्रामीण सडकअन्तर्गत बेलचौर क्षेत्रमा दुर्घटना हुँदा चालकले ज्यान गुमाउनु परेको छ ।
जिल्लामा यस्तो धराप छ तर क बर्गाका ठेकेदार नेता भने निर्वाचनको मुखमा कार्यकर्ता चोर्न लागिपरेका छन् । अहिले   मोहन आचार्यले बुढानिलकण्ठमा लगेर अन्य पार्टीका कार्यकर्तालाई आफ्नो पार्टीमा प्रवेश गराइरहेका छन् भने जनार्दन ढकालको पहलमा अन्य पार्टीका नेता कार्यकर्तालाई सूर्यको झण्डा मुनी ल्याउने काम तिव्रतर गतिमा गरिरहेका छन् । उनले जिल्लाका माओवादीका नेता उद्धव रिजाललाई हालै मात्र एमाले बनाएका छन् ।

Advertisement 1

अरुका कार्यकर्ता चोरेर आफ्ना पार्टीमा हुल्न,ठेक्का हात पार्नका लागि अनेकन तिकडम गर्नझैं जिल्लाको विकास निर्माण र अवरुद्ध सडक मार्ग खोल्नमा पनि उस्तै ध्यान यी ठेकेदार नेताहरुमा गइदिएको भए सायद रसुवा वत्तिमुनिको अध्यारोको नियति भोगेर बाँचिरहनुपर्ने थिएन कि ।

ठेकेदारहरुले मंसिर ४ को निर्वाचनको लागि जुन घम्साघम्सी गरिरहेका छन् यस्तै घम्साघम्सी विकास निर्माणको काम र जनताको पीर मर्काे बुझ्नका लागि गरिदिएको भए ?
जिल्लाको यो दुरावस्था देखेपछि एमालेकै सक्रिय कार्यकर्ता तथा वौद्धिक नेता लक्ष्मण घिमिरेले टिप्पणी गरेका छन्, कम्तीमा बाटो खोल्न जनप्रतिनिधिहरुले अलि बढी पहल र प्रयत्न गरेको भए यसरी मानवीय र भौतिक क्षती पक्कै हुनेथिएन अनि बाटो अलि पहिल्यै खुल्थो की किनकी जिल्लाका ठेकेदार माननीय देशमै कहलियको निर्माण कम्पनीको मालिक हुनुहुन्छ ,प्रदेशको माननीय पनि जल्दोबल्दो ठेकेदार पर्नुभो क्यारे संघीय र प्रदेश सरकार उहाँकै छ अब चुनावमा घम्साघम्सी पनि यिनै ठेकेदार साबहरुको नै हुने निश्चित छ यस्तो बेला आफू संग भएको मेशीन उपकरण प्रयोग गरेर भए पनि जस्ले बाटो खोले जनताले जय नै भन्लान खोइ माननीय ठेकेदार साबहरुको ध्यान त्यातिर ?

Advertisement 2

यस्तै समाजवादी रसुवाका सचिव समेत रहेका शिव लामिछाने लेख्छन्,वर्तमान सत्ता शक्ति केन्द्रमा रसुवा जिल्लाको उपस्थिति कस्तो रहेछ, ५० मिटरको पहिरो,बेलिबृज नै हाले पनि ७ दिनमा जडान हुन्छ तर महिनादेखि अबरुद्ध बाटो हेरेर चारै तहका चारै थरी जनप्रतिनिधि जगमात्र खनेको हेरेर जग हसाएर बसेका छन । रसुवाको दुर्दशा । उनले अगाडि प्रश्न गरेका छन् समस्या कहानेर हो ब्यक्ति ? अबस्थामा वा ब्यबस्थामा ?

समयमै सडक निर्माण सम्पन्न नभएको र सर्वसाधरणले सास्ती खेप्न परेसँगै अहिले जिल्लाबासीले प्रदेशका सांस्द बनेका प्रभात लामा,प्रेम तमाङ र शान्ति तमाङमाथि समेत अहिले प्रश्न उठाउन थालेका छन् ।