ट्राफिक प्रहरीले संघीय सरकारका एक जना मन्त्रीको सवारीलाई एक हजार जरिवाना तिराएको छ । मन्त्री चढ्दै आएको गाडी अनाधिकृत रुपमा पार्किङ गरिएको भेटिए पछि प्रहरीले एक हजार जरिवाना तिराएको हो । नियम विपरित पार्किङ गराएर राखिएको भेटिएपछि जावलाखेलस्थित ट्राफिक प्रहरी वृत्तबाट खटिएका प्रहरीले मन्त्रीको गाडीलाई कारवाही गर्दै १ हजार रुपैयाँ जरिवाना असुल गरेको हो ।

Advertisement 1

पुल्चोकदमकल मोडमा पार्किङ निषेध गरिएको ठाउँमा भौतिक पूर्वाधार तथा यातायात मन्त्री मोहम्मद इस्तियाक राइले प्रयोग गर्ने बा २२ च २५८३ नम्बरको गाडी विपरीत दिशातर्फ फर्काएर नो पार्किङमा पार्क गरेको भेटेपछि सो गाडीलाई जरिवाना गरिएको उपत्यका ट्राफिक प्रहरी कार्यालयका डिएसपी बालनरसिंह राणाले जनाएका छन् । पार्किङ निषेधित क्षेत्रमा पार्क गर्ने सवारीलाई जरिबाना तिराउँदै आएको राणाको भनाई छ ।