किस्ताबन्दीमैं गृहका सहसचिव र उपसचिव तहका २३ कर्मचारीको सरुवा (सूचीसहित)
गृह मन्त्रालयले अहिले दैनिक जसो प्रमुख जिल्ला अधिकारीहरु चलाउन थालेको छ । गत पुस २१ मा १४ जना सहसचिव र उपसचिवहरुको सरुवा गरेको गृहले फेरि अस्ति २३ गते थप ९ जना सह र उपसचिवहरुको सरुवा गरेको छ । जहाँ ५ जिल्लामा सीडीओ हेरफेर भएका छन् ।
Advertisement 1
गृहले किस्ताबन्दीमा सहसचिव र उपसचिव तहका २३ जना कर्मचारीको सरुवा गर्दा ८ जना प्रमुख जिल्ला अधिकारीहरु भने गृहमा तानिएका छन् ।
गृहले दुई पटक गरी निकालेको सूचना अनुसार,माधव ढुंगेललाई जिप्रका इलाममा पठाएको छ भने मकवानपुरका सहायक सीडीओ बाबुराम अर्याललाई बझाङको सीडीओ बनाएर खटाइएको छ । यस्तै इलाका प्रशासन कार्यालय बुटबलमा कार्यरत उपेन्द्र पौडेललाई प्रजिअ बनाएर बाजुरामा खटाइएको छ ।
यता बाँकेका सहायक प्रजिअ दिर्घराज उपाध्यायलाई दार्चुलाका सिडिओ बनाएर पठाइएको छ । यस्तै दिलकुमार तमाङ लाई ओखलढुंगाको सीडीओ बनाएर खटाइएको छ । छविलाल रिजाल सुर्खेतबाट झापाको प्रमुख जिल्ला अधिकारी बनाएर पठाइएको छ ।
गृहको सूची अनुसार,खगेन्द्रप्रसाद रिजाललाई कैलालीबाट सरुवा गरेर सुर्खेतको सीडीओको रुपमा खटाइएको छ । गृहकै रमेश ढकालले बाग्लुङको कमाण्ड गर्ने अवसर पाएका छन् । उता,बद्रीनाथ गैह्रेलाई रुकुम पश्चिमबाट मकवानपुरको सहायक प्रमुख जिल्ला अधिकारीको रुपमा सरुवा गरिएको छ ।
Advertisement 2
इलामका प्रजिअ धु्रबबहादुर खड्गा,बाजुराबाट गोपालकुमार अधिकारी,दार्चुलाबाट सिद्धराज जोशी र ओखलढुंगाबाट बन्दना राईलाई गृहमा तानिएको छ ।
उता हालै लगानी वोर्डबाट बुधबारमात्र गृह मन्त्रालयमा तानिएका सुरेन्द्र पौडेललाई धनुषाको प्रमुख जिल्ला अधिकारी बनाइएको छ । विपिन आचार्यलाई सल्यानको प्रमुख जिल्ला अधिकारीमा पठाइएको छ भने सहसचिव हुमकला पाण्डेलाई काभ्रेपलाञ्चोकको प्रजिअका रुपमा खटाइएको छ ।
झापा ताकेका सहसचिव सुमन घिमिरेलाई नवलपरासी पूर्वको सीडीओमा पठाइएको छ । गृहका उपसचिव रामहरि शर्मालाई कालिकोटको प्रमुख जिल्ला अधिकारीमा पठाइएको छ ।
Advertisement 3
यसअघि सल्यानका प्रमुख जिल्ला अधिकारी रहेकी लक्ष्मीदेवी हुमागाई खतिवडा, कालिकोटका कृष्णप्रसाद आचार्य, काभ्रेपलाञ्चोकका शिवराम पोख्रेल, धनुषाका सीडीओ बन्धुप्रसाद बाँस्तोलालाई गृह मन्त्रालय तानिएको छ ।
